Pak minuta pasi kryeministri i Kosovës, Ramush Haradinaj ka liruar nga detyra zëvendësministri e Bujqësisë, Shukri Maxhuni i cili u pa duke i shtrirë këmbët në veturë gjersa qarkullonte nëpër rrugë ka reaguar deputeti i pavaruar i Kuvendit, Korab Sejdiu.

Ai përmes një postimi në facebook ka shkruar se në Kosovë shkarkohesh dikë që rrezit këmbët në veturë e jo ata që falimentojnë shtetin, shkruan arbresh.info.

“Në Kosovë, “në rregull është” nëse vjedhë, e zapton shtetin, e shkelë Kushtetutën, keqpërdorë, punëson militanta e familjarë pa meritë, abuzon dhe e falimenton shtetin, etj. Veç mos gabo me i rrezitë këmbët në xham të veturës, se kjo nuk tolerohet!”, ka shkruar Sejdiu.

Ndryshe ditë më parë në medie u bënë publike fotografitë e zëvendësministrit të Bujqësisë, Shukri Maxhuni i cili u duke i shtrirë këmbët në veturë gjersa qarkullonte nëpër rrugë.

E mëngjesin e së premtes i pari i Qeverisë së Kosovës, Ramush Haradinaj bëri të ditur lajmin për shkarkimin e Maxhunit./Arbresh.info/

Lexo edhe: Ramush Haradinaj liron nga detyra zëvendësministrin që shtriu këmbët në veturë